gatu, -a, el/la: sust. Felis catus, mamíferu felín y domésticu [que caza mures]. || A gates, coles manes y les rodiyes o coles manes y los pies puestos en suelu [pa dir d’un sitiu pa otru]. || A palma gatu, mui cerca. || Al gatu, coles manes y les rodiyes o coles manes y los pies puestos en suelu [pa dir d’un sitiu pa otru]. || Andar a puñaes col gatu, fam. vivir con pocos medios. || Andar la gata en palombar, tar contenta [una persona]. || Buscar cinco pies al gatu, sacar consecuencies que nun esisten o que nun tienen fundamentu. 2 Molestar, fadiar [a daquién]. || Comer la cuenta’l gatu, fam. *espresión que se diz cuando daquién s’equivoca al calcular la fecha del partu. || Comer la llingua’l gatu a daquién, fam. *espresión que se diz cuando daquién calla, cuando nun fala. || Comer la midida’l gatu, fam. salir escasa una cosa por midir mal. || Como un gatu capáu, fam. bien [dormir]. || Como’l perru y el gatu, fam. reñendo de contino. 2 Mui mal [llevase]. || Cuatro gatos, perpoca xente [onde s’esperaba más]. || De gates, coles manes y les rodiyes o coles manes y los pies puestos en suelu [pa dir d’un sitiu pa otru]. || Echar la gata al gatu, fam. tardar muncho. || Echar la gata al perru, fam. perder el tiempu. || Gatu algaire, Felis sylvestris, gatu montés [grande y rayáu, de rabu curtiu y fuerte]. 2 Genetta genetta, xineta, mamíferu montés [de pelo cardoso con pintes y rabu llargu y peludu]. || Gatu montés, gatu [grande y rayáu que vive en monte]. || Gatu pascual, ave [que fai un ruíu asemeyáu a un miaguíu]. || Gatu rabón, vuelta [que se da apoyando la cabeza y les manes en suelu]. || Mayala más qu’un gatu en payar, fam. folganzaniar, nun trabayar [por falta de gana, porque nun apetez]. || Rabu de (el) gatu, Achillea millefolium, cenoyina, planta [de fueyes mui pequeñes y flores blanques]. || Vese nes del gatu, fam. tener dificultaes. || Vira’l gatu, vuelta [que se da apoyando la cabeza y les manes en suelu]. || Vuelta (a) el gatu, vuelta [que se da apoyando la cabeza y les manes en suelu].