garrote, el: sust. Vara [gorda de madera]. 2 Palu [puntiáu pa facer el nuedu d’un fexe o la llazada na atadura, p’apertar la riata]. 3 Clavu [pa suxetar la ximela al mangu del mazu]. 4 Tarucu [pa quemar]. 5 Manal, instrumentu [formáu por dos palos auníos por una correa que s’usa pa garrotiar el granu]. 6 Palu [del manal per onde s’agarra]. 7 Xuegu [nel que dos persones se sienten en suelu, una enfrente d’otra, axuntando los pies y agarrando un palu, tirando caúna d’elles pa contra sí]. 8 Máquina [pa executar condergaos a muerte, compuesta por una abrazadera de metal que s’axusta al pescuezu hasta afogalu].