fíu, -a, el/la: sust. Persona o animal enxendráu por [una pareya]. 2 Persona o cosa [que tien orixe n’otra]. 3 Brotu [d’una planta]. 4 *Espresión usada pa dirixise con confianza a daquién. || Fíu de perra, persona [mala y dañible]. || Fíu de pilforra, fam. persona [mala y dañible]. || Fíu de puta, persona [mala y dañible]. || Fíu del demoniu, persona [mala y dañible]. || Fíu la sierra, persona enxendrada por [una pareya non casada]. || Fíu mea, persona enxendrada por [una pareya non casada]. || Ser fíu de padre, asemeyase al padre na manera de facer les coses.