fechu, -a, -o: ax. *Participiu de facer. || A costa fecha pa [daqué], cola única intención de [facer daqué]. || A tiru fechu, sabiendo lo que se quier, lo que se busca. || Fechu caldu, en males condiciones. 2 Caldiáu [un güevu]. || Fechu cerella, mui secu. 2 Desfechu por tar mui secu. 3 Frayáu, percansáu. || Fechu nasa, estrapalláu, esfechu. || Fechu un ascu, en males condiciones. || Fechu un bon napolitanu, fam. achacosu, con achaques. || Fechu un caleru, en males condiciones. || Fechu un cándanu, flacu, esmirriáu. || Fechu un coral, muncho sanu. 2 Mui arreglada y curiosa [una persona]. 3 Muncho frescu, llimpiu. || Fechu un cristu, fam. en males condiciones. || Fechu un cromu, mui arreglada y curiosa [una persona]. || Fechu un cuélebre, perenfadáu, de mal humor. || Fechu un puzcalabre, perenfadáu, de mal humor. || Fechu un votová, arguyosu. || Fechu una calamidá, en males condiciones. El gripe dexólu fechu una calamidá. Cuando frega queda too fecho una calamidá. || Fechu una cataplasma, en males condiciones. || Fechu una facha, en males condiciones. || Fechu una llaceria, enllenu de mancadures. 2 Percansáu, baldáu. 3 Estropiáu y puercu. || Fechu una mierda, esgonciáu, mui estropiáu. 2 Galdíu, percansáu. 3 Mui enfermu. || Fechu una potada, fam. gordu y lentu [pa movese]. || Fechu una tremera, ensin consistencia, poco fuerte [una construcción]. 2 Débil, poco fuerte, achacosa [una persona]. || Fras fecha, conxuntu [de pallabres qu’al axuntase agarren un significáu diferente del reutu que tienen caúna por separao]. || Ser fechu a, ser capaz de. Si-y das confianza, ye fechu a burllase de ti.