espín, l’: sust. Prunus spinosa, árbol montés [con munchos pinchos y con flores de color blanco que salen xeneralmente antes de la fueya]. 2 Crataegus monogyna, espinera, arbustu [de munchos pinchos y de flores blanques y arumoses]. 3 Rosal, planta del xéneru Rosa. 4 Planta de la familia Rubiaceae [que tien munchos pinchos]. 5 Planta [que tien escayos, pinchos]. 6 Parte interior [del tueru del rebollu, que ye dura y resistente]. 7 Escayu, pinchu. 8 Granu [con materia que sal na cara]. || Como un espín negru, de mal caráuter, dau a enfadase. || Espín escambrón, planta [espinosa, más pequeña que’l rosal montés]. || Espín garbanceru, Rosa canina, rosal montés, planta montés [con munchos pinchos y flores arumoses y de dellos colores]. || Espín gayeru, [tipu de] planta [con munchos escayos o espines]. || Rosal d’espín, Rosa canina, rosal montés, planta montés [con munchos pinchos y flores arumoses y de dellos colores]. || Untáu como un espín negru, fam. que nun ye atentu, que nun ye amable.