Diccionariu

Diccionariu de la Llingua Asturiana (DALLA)

Busca cenciella

Busca avanzada per pallabres

Si hai más de 500 resultaos tien d'axustar la consulta.

Busca avanzada per definición

Si hai más de 500 resultaos tien d'axustar la consulta.

Resultaos


día, el: sust. Espaciu de tiempu [que tarda la Tierra en dar una vuelta entera alredor de la so exa]. 2 Espaciu de tiempu que tarda un astru en dar una vuelta entera alredor de la so exa. 3 Espaciu de tiempu con lluz solar dientro del tiempu que tarda la Tierra en dar una vuelta entera alredor de la so exa. 4 Conxuntu de venticuatro hores siguíes. 5 Espaciu de tiempu qu’abarca dende una medianueche a la siguiente. 6 pl. Época, dómina. || A (el) otru día, al día siguiente o viniente. || A romo y a día, muncho [texer]. || Al día, ensin retrasu. 2 Bien enteráu [de daqué]. 3 Ensin aforros. Vivir al día. || Al rasar el día, al amanecer. || Bonos díes, *saludu que se da pela mañana. || Como un día ensin pan, fam. mui [llargu un día, una temporada]. || De día, con lluz solar, antes y dempués de la nueche. || De mal día, de diario [la ropa]. || Del día, del mesmu día que se ta. Pan del día. || Día d’ánimes, día de los difuntos, día primeru de payares. || Día d’aradura, midida de superficie qu’equival a un día de gües. || Día d’autos, día cuando pasaron los fechos que se xulguen nun tribunal. || Día de diario, día que nun ye fiesta. || Día de fumu, día de fiesta cuando se quema inciensu en misa. || Día de garabuyos, día [afayadizu pa trabayar]. || Día (de) gües, midida agraria de superficie qu’equival aproximadamente a mil doscientos cincuenta metros cuadraos. 2 Midida [de superficie] qu’equival aproximadamente a mil ochocientos metros cuadraos. || Día de les carraques, Xueves Santu. || Día del bollu, día de Pascua. 2 Día de fiesta [cuando se reparte un bollu con chorizu dientro]. || Día los estropicios, nueche de San Xuan. || Día santu, día de fiesta relixosa. || Día y nueche, de contino, ensin parar. || El día del xuiciu (final), fin de los tiempos. 2 Nunca, enxamás. || Esi otru día, al día siguiente o viniente. || Nun tener día con día, nun siguir una norma fixa. 2 Tar malu cada pocu tiempu. || Nun ver el día [de facer daqué], tener muncha gana [de facer daqué]. 2 Nun ser a [facer daqué]. || Pan nuestro de cada día, cosa que se repite davezu. || Platu del día, comida [qu’ufierta un chigre, un restorán por un preciu fixu]. || Ratu (de) día, hores entraes del día. Yá yera ratu de día y taba tan raso que nel cielu nun se podía colgar nin un candil. Yá yera ratu día y la xente namás oyer el cencerru de la Galfarra tirábase al camín a ver quién pasaba. || Riscar el día, amanecer, entamar a haber lluz solar.