cuquiellu, -a, el/la: sust. Cuculus canorus, páxaru migrador [que pon los güevos nos niales d’otros páxaros]. 2 Persona o cosa [pequeña y simpática]. || Arroz de cuquiellu, planta del xéneru Sedum [con muncha rama que da flores pequeñes blanques o marielles]. || Barbes de cuquiellu, planta montesa [de flor asemeyao a lo del azafrán]. || Calzones de (el) cuquiellu, Aquilegia vulgaris, planta [de flores grandes de color azul]. 2 Digitalis purpurea, planta [de flores grandes de color morao y con pintes que tienen forma de dedal]. || Cantar el cuquiellu, venir la suerte [a daquién]. || Facer lo que’l cuquiellu, falar ensin ser vista [una persona]. || Flor del cuquiellu, Linaria triornithophora, planta [coles flores de color rosa fuerte asemeyaes a paxarinos]. || Mazana del cuquiellu, cúcara, bola [que se forma na caña d’un carbayu pola picadura que faen dellos inseutos cuando ponen la güévara]. || Mierda de cuquiellu, sustancia [pegañoso, de color mariello qu’echa’l tueru de la cerezal, de la guindal, de la cirolal]. || Pan de cuquiellu, planta del xéneru Sedum [con muncha rama que da flores pequeñes blanques o marielles]. 2 Cúcara, bola [que se forma na caña d’un carbayu pola picadura que faen dellos inseutos cuando ponen la güévara].