cruz, la: sust. Figura [formada por dos llinies que se crucien]. 2 Oxetu [formáu por otros dos allargaos que se crucien]. 3 Armazón [formáu por dos maderos cruciaos, emplegáu pa executar o castigar a un condenáu, suxetándolu a él]. 4 Maderu [pequeñu que se pon detrás de los cuadros d’una mina pa que nun caiga la tierra suelto]. 5 Parte [onde s’axunten dos cabrios del armazón del teitu]. 6 Pieza [del molín, del batán formada por dos pieces que se crucien, fixa al fusu pel centru y al rodédanu pelos estremos, qu’aúne estes dos pieces pa tresmitir el movimientu]. 7 Llau [d’una medaya, d’una moneda opuestu a la cara]. 8 Cosa o persona [pesada, cafiante]. 9 Sufrimientu, aición y efeutu de sufrir. 10 [Tipu de] castaña de bona calidá. || A cara o cruz, al azar d’una moneda que se tira n’alto [pa ver de qué llau cai]. || A cara y cruz, al azar d’una moneda que se tira n’alto [pa ver de qué llau cai]. || Cayer la cruz del perru, fam. venir munches necesidaes. || Como’l diañu cola cruz, fam. enfadaes [dos persones]. || Cruz Bermeya, organización internacional d’ayuda y socorru nel casu d’una guerra, una catástrofe o un accidente. || Cruz de los xueces, palos [que se ponen pa tener poles setes d’un caxellu]. || Cruz griega, cruz que tien el brazu horizontal y el vertical igual de llargos. || Cruz llatina, cruz que tien el brazu vertical más llargu que l’horizontal. || Cruz y raya, *espresión cola que s’indica que se termina un discutiniu, que yá nun se quier falar más d’un tema, que s’acabó una amistá. || De cruz, de bona calidá [un tipu de castaña]. || En cruz, estendíos perpendiculares al cuerpu [los brazos]. 2 En forma de figura compuesta por dos llinies que se crucien. || Facer la cruz, persignase. || Puntu (de) cruz, conxuntu de dos puntaes, travesada una pencima de la otra. Fai tres puntos de cruz. || Señal de la cruz, xestu [que se fai cola mano trazando una llinia horizontal y otra vertical que se crucien pa bendicir, pa persignase].