contra, la: sust. Pieza [de madera que s’alluga per delantre o per detrás de les ventanes pa protexer del fríu, pa quitar la lluz]. 2 Pieza [de carne asitiada na pata de la vaca, embaxo la tapa y xunto al bayu y el boliche]. 3 Dificultá, torga. Ellí son toos a poneme contres. || A la contra, al alcuentru. Salióme a la contra. 2 Al revés, al contrariu. || En contra, n’oposición. Tienlos a toos en contra del hermanu. 2 En perxuiciu. Tolo que faen ye en contra de los vecinos. || Llevar la contra, dir acompañaos por daquién que los vixile [una pareya de novios]. 2 Dicir lo contrario de lo que [daquién] fai o piensa. || Pros y contres, ventayes y dificultaes.