compaña, la: sust. Aición y efeutu d’acompañar. 2 Persona, cosa o animal o conxuntu d’ellos [qu’acompaña]. 3 Empresa [industrial]. 4 Conxuntu [de persones, d’empreses qu’esploten un negociu]. 5 Asociación relixosa. 6 Conxuntu [d’actores, baillarinos y téunicos que trabayen xuntos pa representar una obra, un espectáculu]. 7 Asociación [que formen les persones que trabayen nun barcu de pesca]. 8 Comida [que faen los pescadores d’un barcu cuando van dir a una costera]. || En (bon) amor y compaña, como bonos amigos. || Santa compaña, güestia, procesión [nocherniega d’almes en pena]. || Y santa compaña, *espresión que s’emplega pa contestar un saludu.