coloráu, -ada, -ao: ax. Del color del sangre. 2 Que tien aspeutu de tener bona salú [una persona]. 3 Cola cara del color del sangre [por vergüenza, por rabia]. || En calces coloraes, desorientáu, ensin saber qué dicir, qué facer. || Glóbulu coloráu, célula de les que formen el sangre, de color colorao. || Mal coloráu, enfermedá [que da a los gochos]. || Papín coloráu, Erithacus rubecula, raitán, páxaru [pequeñu que canta perbién, de color amarronao y una pinta colorada na pechuga]. || Papu coloráu, Pyrrhula pyrrhula, páxaru [gordín de picu fuerte y curtiu y col papu de color encarnao o pardo]. || Pardu coloráu, Carduelis cannabina, páxaru [de cabeza gris y llombu pardu]. || Pasales coloraes, fam. tener dificultaes, sufrimientos. || Perdiz colorada, Alectoris rufa, páxaru [de color pardo acolorazao con una banda negra pelos güeyos y alredor del pescuezu]. || Rabu coloráu, Phoenicurus ochruros, páxaru [anegratáu de rabu encarnáu]. || Raxadina colorada, [tipu de] mazana. || Sangre colorao, fam. arremangu, brenga [pa facer les coses]. || Saya colorada, refaxu, prenda de vistir [de tela gordo que se pon debaxo del vistíu].