cero, el: sust. Númberu qu’equival a l’ausencia d’unidaes y que se representa cola cifra 0. 2 Cifra que representa’l númberu qu’equival a l’ausencia d’unidaes. 3 Puntu mínimu dende’l que s’entama a midir [dientro d’una escala, d’una serie]. Nun termómetru’l cero marca la xeladura del agua. || A cero, nel puntu más baxu. || Al cero, lo más curtio que se pue dexar al cortalo [el pelo]. || Baxo cero, per debaxo del puntu de xeladura del agua [una temperatura]. || Cero a la izquierda, persona que nun se tien en cuenta. || Cero absolutu, temperatura más baxo posible, onde nun esiste movimientu de los átomos.