carne, la: sust. Parte [blandia del cuerpu de los animales que ta apegada a los güesos y protexida pol pelleyu]. 2 Parte [blandia del cuerpu de los animales terrestres que ye comestible]. Gústame más la carne que’l pexe. 3 Parte [blandia y comestible de la fruta]. 4 Parte non espiritual de la naturaleza humana. 5 Parte material, non espiritual del cuerpu [considerada como fonte de deséu sexual]. 6 pl. Gordura. || Carne de cañón, persona o persones [que nes guerres son unviaes a los puestos de más peligru]. 2 Persona o persones [utilizaes por otru ensin nengún miramientu]. || Carne de rucu, cuerda, nerviu de la carne. || Carne pela pierna, fam. cosa perbona. || Carne roxo, carne de vaca casina o de vaca carreñana. || Carne vicioso, texíu carnoso [que se forma nes mancadures y que nun les dexa zarrar]. || Carnes muertes, texíu carnoso [que s’atopa ente la grasa del gochu]. || Como carne de pescuezu, fam. muncho [malu]. || Criar carnes, engordar. || De carne y güesu, humanu. 2 Sensible, que tien sentimientu. || En carne viso, col pelleyu llevantao [una mancadura, una ariadura]. || En carne vivo, col pelleyu llevantao [una mancadura, una ariadura]. || En carne y güesu, presente, en persona. || En carnes, col cuerpu desnudu, ensin ropa puesto. 2 Col cuerpu ensin plumes [un páxaru acabante nacer]. || En carnes vives, desnudu, ensin ropa puesto. || Mazana de carne de vaca, [variedá de] mazana. || Nun ser carne nin pescáu, nun ser d’una manera nin d’otra. || Perder carnes, aflaquecer. || Quedar con carne nes uñes, fam. robar cuando s’alministra dineru ayeno. || Tener bones carnes, tar gordu. || Uña y carne, mui amigos.