Alcontráronse les siguientes entraes:
alfabetizar: v. aprender a lleer y escribir. 2 Poner n’orde alfabéticu.
aprendimientu, l’: sust. Aición y efeutu d’aprender.
aprendiz, -iza, l’/l’(a): sust. Persona [qu’entama a aprender conocimientos d’un arte, d’un oficiu].
apresu, -a, -o: ax. *Participiu d’aprender. 2 *Participiu d’apresar. 3 Prendíu [un árbol, un inxertu].
cacatúa, la: sust. Páxaru del orde Psitaciformes [de plumes blanques y moñu grande que pue aprender a repetir pallabres].
cotorra, la: sust. Páxaru de les families Conurus, Paleornis y Amazona [que pue aprender a emitir soníos paecíos a los de la fala humana]. 2 Cuetu [pequeñu]. 3 fam. Persona [que fala muncho].
didáuticu, -a, -o: ax. De la didáutica. 2 Amañosu p’aprender.
dogmatizar: v. aprender dogmes [a daquién]. 2 Plantegar una opinión propia como si fuera verdá absoluta.
entrar: v. Pasar [al interior de daqué]. Entra pa casa que ta frío. 2 Tener espaciu abondu [pa pasar per un sitiu, p’allugase nun espaciu, pa poner daqué nun llugar]. L’armariu nun entra pela puerta. 3 Pasar a tar [nuna estación, nuna época del añu, nuna etapa de la vida]. Yá entramos en xineru y tovía nun viemos el fríu. 4 Entamar [una estación, una época del añu, una etapa de la vida]. El ventiún d’avientu entra l’iviernu. 5 Entamar [a cantar, a actuar, a xugar nun momentu determináu dientro d’una obra, d’una pieza musical, nun xuegu]. Agora entra’l príncipe n’escena. 6 Entamar a ser [miembru d’una asociación, d’un conxuntu, estudiante d’una facultá]. Entren cien alumnos al añu en Medicina. 7 Tar [ente los que participen nun actu]. Xuan nun entró nel sortéu. 8 Falar o tratar de [un asuntu]. Nun quiero entrar en cuestiones morales. 9 Empezar a falar de [un asuntu] con [daquién de bones maneres pa llograr daqué]. 10 Empezar a sentir [una sensación, una enfermedá]. Entren calafríos sólo con pensar nello. 11 Empezar [a exercer un cargu, a mandar nun gobiernu, a trabayar nun sitiu]. Cuando entre’l gobiernu nuevu fadrá otra llei. 12 Empezar a criar [la poliya nun mueble, el pulgón nuna planta]. 13 Llabrar [una tierra per primer vegada]. 14 Facer una falta [un xugador a otru, emburriándolu o dándo-y una patada]. 15 Tener unes carauterístiques bones o males pa que [una persona aprienda una materia], pa que [apeteza comer una comida]. Les matemátiques nun m’entren. Entraba bien la sidra porque facía muncha calor. || Entrar en breda, empezar a actuar siguiendo unes normes de comportamientu. || Entrar en calor, calecer, entamar a sentir calor [dempués de pasar fríu]. || Entrar en fariña, entamar a falar, a tratar fondamente d’una materia, d’un asuntu. || Entrar en razón, ser razonable. || Entrar na cabeza, ser razonable, xustificable pa [daquién un dichu, un fechu, una actitú]. || Entrar pel aru, facer [a la fuercia] lo que nun se quier. || Entrar pel camín vieyu, fam. empapizar. || Entrar pel güeyu, gustar, convencer [una cosa, una persona]. || Entrar pelos güeyos, gustar, convencer [una cosa, una persona]. || Entrar per [daqué], aceptar daqué. 2 aprender a facer daqué [dempués de prauticalo muncho]. || Entrar per un oyíu y salir pel otru, fam. nun importar nada un asuntu [a daquién]. || Entrar per una oreya y salir pela otra, fam. nun importar nada un asuntu [a daquién]. || Más gorda nun entra en prau, fam. *espresión que s’emplega cuando daqué causa plasmu, llama muncho l’atención.
exerciciu, l’: sust. Aición y efeutu d’exercer. 2 Movimientu [ximnásticu], actividá [corporal bona pal organismu]. 3 Trabayu [práuticu que se fai al aprender daqué]. 4 Periodu de tiempu [en que se divide l’actividá económica d’una empresa, d’un bancu].
helenizar: v. Influyir colo heleno o griego. 2 Volver griegu o [más] griegu. 3 Volvese griegu o [más] griegu. t. prnl. 4 aprender el griegu.
logopedia, la: sust. Conxuntu de téuniques [p’aprender a pronunciar bien a la persona que tien problemes de fonación].
manera, la: sust. Resultáu [de los munchos diferentes que pue tener la mesma aición, la mesma cosa]. t. pl. La carne quedó guisao d’una manera que me gusta. Dexasti la cama fecha d’una manera que nun ye cómoda. 2 Conxuntu d’aiciones qu’hai que facer pa [qu’una aición], pa [qu’una cosa llegue a un resultáu determináu]. t. pl. Hai maneres de facer les coses. Tienes qu’aprender la manera de facelo. 3 Conxuntu de cualidaes [que tien una persona pa rellacionase, pa tratar colos demás, que dexa ver la so educación]. t. pl. Tien una manera de ser allegre. Tien mui males maneres esti neñu. 4 Posibilidá [de facer daqué]. Nun tengo manera de falar con él. 5 Maniya [del estil de la gadaña]. 6 Pieza [corva del aráu per onde s’agarra pa manexalu]. || A la manera [de daquién], acordies cola manera o estilu [de daquién]. || A manera de, como, en calidá de, en función de. Llevaba puestu un periódicu a manera de mandil. || D’aquella manera, d’unes cualidaes indeterminaes o que nun se quieren especificar. Esti rapaz ye... d’aquella manera. 2 D’una manera indeterminada o que nun se quier especificar. Fízolo d’aquella manera. || De cualquier manera, nun importando les circunstancies qu’arrodien un fechu. 2 Con desorde, ensin procuru. || De la mesma manera, *espresión cola que s’introduz o se completa un enunciáu. || De mala manera, mal. || De manera, muncho. Son tontos de manera. || De manera que, poro, como consecuencia de lo anterior. || De mou y manera que, poro, como consecuencia de lo anterior. || De nenguna manera, *espresión cola que se refuerza un enunciáu negativu. || De toes (les) maneres, nun importando les circunstancies qu’arrodien un fechu. || De toles maneres, completamente, dafechu. Ye bobu de toles maneres. || D’esa manera, asina, en resultancia. || D’otra manera, *espresión que s’emplega pa introducir un enunciáu que s’opón al anterior o que lu completa camudando’l tema. || Sobre manera, con más motivu, con más razón, de mou especial.
moralizar: v. Volver o volvese moral o [más] moral. 2 aprender moralidá [a daquién].