Alcontráronse les siguientes entraes:
aguanieves, l’: sust. Motacilla alba, páxaru [de rabu llargu y plumes blanques y negres].
bruxa, la: sust. Áscuara, brasa. 2 Pexe del xéneru Blennius [de llabios gordos, cuerpu allargáu, babosu y ensin escames]. 3 Motacilla alba, páxaru [de rabu llargu y plumes blanques y negres]. || Bruxa azafranada, Motacilla flava, páxaru [de pechuga mariella y rabu llargu]. || Echar bruxes al fueu [daqué], tar demasiao caliente [daqué].
ganáu, el: sust. Conxuntu d’animales [que se tienen pa criar]. 2 Conxuntu [de vaques, de gües que se críen pa lleche, pa carne]. 3 Cantidá [grande de coses iguales y pequeñes]. 4 fam. Conxuntu [de persones]. 5 fam. Xentecaya, xente [malo, despreciable, de pocu valor]. || Ganáu menudo, conxuntu [de cabres, d’oveyes que se críen]. 2 fam. Conxuntu [de neños]. || Lleche de ganáu, lleche de vaca. || Paxarín del ganáu, Motacilla alba, páxaru [de rabu llargu y plumes blanques y negres].
llavandera, la: sust. Tabla o piedra [pa llavar la ropa enriba]. 2 Motacilla alba, páxaru [de rabu llargu y plumes blanques y negres]. 3 Cinclus cinclus, páxaru de vezos acuáticos [que tien la pluma negro pel cuerpu y blanco pela pechuga y el pescuezu]. 4 Personaxe [de la mitoloxía popular asturiana representáu por una paisana vieya qu’apaez nos ríos llavando]. || Llavandera de regueru, páxaru del xéneru Motacilla. || Llavandera real, Motacilla cinerea, páxaru [pequeñu, de color gris penriba y mariello enceso pembaxo, de rabu mui llargu y prietu].
llendadora, la: sust. Alambrera [que suelta descargues llétriques que s’usa pa llendar el ganáu]. 2 Motacilla alba, páxaru [de rabu llargu y plumes blanques y negres].
llenderín, el: sust. dim. de llenderu. 2 Motacilla alba, páxaru [de rabu llargu y plumes blanques y negres].
llenderina, la: sust. dim. de llendera. 2 Motacilla alba, páxaru [de rabu llargu y plumes blanques y negres].
marica, la: sust. Pica pica, pega, páxaru [de rabu llargu, de color negro pel cuerpu y ablancazao pela barriga]. 2 Motacilla alba, páxaru [de rabu llargu y plumes blanques y negres]. 3 fam. Vulpes vulpes, raposu.
marigarcía, la: sust. Motacilla alba, páxaru [de rabu llargu y plumes blanques y negres]. 2 [Tipu de] castaña [que maurez llueu]. || Bígaru de marigarcía, moluscu marín del xéneru Gibbula [de cáscara pequeña asemeyada la del cascoxu].
mariquina, la: sust. dim. de marica. 2 Motacilla alba, páxaru [de rabu llargu y plumes blanques y negres].
mariquita, la: sust. Motacilla alba, mariquina, páxaru [de rabu llargu y plumes blanques y negres]. 2 Coccinella septempunctata, catasol, inseutu coleópteru [de llombu encarnáu con pintes prietes]. 3 Moñeca [de papel recortada].
monxa, la: sust. Motacilla alba, páxaru [de rabu llargu y plumes blanques y negres]. 2 Bollu [de pan que corona’l ramu d’una romería].
panaderina, la: sust. dim. de panadera. 2 Motacilla alba, páxaru [de rabu llargu y plumes blanques y negres].
pastora, la: sust. Yerba [seco que s’echa al ganáu]. 2 Motacilla alba, páxaru [de rabu llargu y plumes blanques y negres]. 3 Palu [que s’emplega pa colgar un animal muertu]. 4 fam. Dineru.
páxara, la: sust. Páxaru, animal vertebráu [con ales y col cuerpu cubiertu de plumes]. 2 Bazu, muérganu [asitiáu xunto al estómagu que produz sustancies que depuren el sangre]. 3 Caparina, inseutu lepidópteru adultu [d’ales grandes cubiertes d’escames y xeneralmente de colores vistosos]. 4 Candil. 5 Frutu [de la llamera]. 6 fam. Perda [total de fuercies por un esfuerciu físicu grande]. 7 fam. Muérganu sexual femenín. || Páxara aguadera, Cinclus cinclus, páxaru de vezos acuáticos [que tien la pluma negro pel cuerpu y blanco pela pechuga y el pescuezu]. || Páxara d’agua, Cinclus cinclus, páxaru de vezos acuáticos [que tien la pluma negro pel cuerpu y blanco pela pechuga y el pescuezu]. || Páxara del pan, páxaru [de pluma mariello pela cabeza y escuro con manches blanques pel llombu]. || Páxara pinta, Motacilla alba, páxaru [de rabu llargu y plumes blanques y negres]. || Páxara vaquera, Motacilla alba, páxaru [de rabu llargu y plumes blanques y negres].
paxarín, el: sust. dim. de páxaru. 2 Lamium maculatum, planta [con pintes blanques nes fueyes y flores rosa]. 3 Lotus corniculatus, planta [con flores marielles que salen agrupaes]. || Arroz del paxarín, planta del xéneru Sedum [con muncha rama que da flores pequeñes blanques o marielles]. || Como paxarín de branu, fam. bien cuidada [una persona vieya, delicada]. || Como un paxarín, fam. dulcemente, ensin dolor [morrer]. 2 fam. Poco [comer]. || De repique paxarín, fam. mui arreglada y bien vistida [una persona]. || Pan de paxarín, planta del xéneru Sedum [con muncha rama que da flores pequeñes blanques o marielles]. || Paxarín del ganáu, Motacilla alba, páxaru [de rabu llargu y plumes blanques y negres].
pintu, -a, -o: ax. Con pintes. 2 Verde, que se refier picardiosamente a coses rellacionaes col sexu [un cuentu, un chiste]. || Dar un güe pintu, dar lo meyor. || Estornín pintu, Sturnus vulgaris, páxaru [pequeñu de color escuro y con pintes clares]. || Faba pinta, faba [arredondiada de color amarronao con manches blanques]. || Güevos pintos, fiesta que se celebra el primer martes dempués del domingu de Pascua. || Güevu pintu, güevu [cocíu y decoráu na cáscara, típicu de la fiesta del primer martes dempués del domingu de Pascua]. || Gurrión pintu, Fringilla coelebs, páxaru [pequeñu de color amarronao cola cabeza gris azulao]. 2 Petronia petronia, páxaru [apardáu con una banda blanca dende los güeyos a la nuca]. || Páxara pinta, Motacilla alba, páxaru [de rabu llargu y plumes blanques y negres]. || Pinta la rama, con penques o pintes na piel. || Pinto la rama, con penques o pintes na piel. || Pintu la rama, con penques o pintes na piel.
pisadora, la: sust. Motacilla alba, páxaru [de rabu llargu y plumes blanques y negres]. 2 Máquina [cola que se pisa la escanda]. 3 Parte [del pisón onde se pisa la escanda].
pisalamera, la: sust. Motacilla alba, páxaru [de rabu llargu y plumes blanques y negres].
pisandera, la: sust. Motacilla alba, páxaru [de rabu llargu y plumes blanques y negres].
vaquera, la: sust. [Tipu de] castaña. t. ax. (vaqueru, -a, -o) 2 Motacilla alba, páxaru [de rabu llargu y plumes blanques y negres].
vaquerina, la: sust. dim. de vaquera. 2 Motacilla alba, páxaru [de rabu llargu y plumes blanques y negres].
vaqueru, -a, -o: ax. De los vaqueros. 2 D’algodón fuerte y xeneralmente azul [un pantalón, una camisa]. || Páxara vaquera, Motacilla alba, páxaru [de rabu llargu y plumes blanques y negres].
volandera, la: sust. Motacilla alba, páxaru [de rabu llargu y plumes blanques y negres]. || En volanderes, rápido, apriesa.
xingalráu, el: sust. Motacilla alba, páxaru [de rabu llargu y plumes blanques y negres]. 2 Persona [ensin xacíu].