Diccionariu

Diccionariu de la Llingua Asturiana (DALLA)

Busca cenciella

Busca avanzada per pallabres

Si hai más de 500 resultaos tien d'axustar la consulta.

Busca avanzada per definición

Si hai más de 500 resultaos tien d'axustar la consulta.

Resultaos


yerba, la: sust. Planta [pequeña de tueru tienru y verde y ensin partes maderices]. 2 Freba [de les que formen una planta pequeña de tueru tienru y verde y ensin partes maderices]. 3 Conxuntu de plantes [pequeñes de tueru tienru y verde y de les sos frebes]. 4 Trabayu de segar un terrenu y pañalu. A Soledá nun-y gusta nada la yerba. || A la yerba, nel trabayu de segar y pañar lo segao de los praos. || Carru de yerba, midida agraria de superficie [qu’equival aproximadamente a once árees y media]. || Mala yerba, persona o xente de mal enclín, de males intenciones. || Mes de la yerba, mes de xunetu. || Páxaru la yerba, Coturnix coturnix, cogorniz, páxaru [pequeñu de pluma pardo y rayao de color negro, qu’añera en suelu]. || Segar la yerba debaxo los pies, perxudicar a [daquién] nel so terrenu. || Ser yerba d’otra tenada, fam. ser [un asuntu] diferente del que se ta tratando. || Tener más tenada que yerba, fam. ser fanfarrón, farrucu. || Tener más yerba que tenada, tener más de lo que se pue gastar. || Vara (de) yerba, montón [grande y cónicu de yerba que se fai alredor d’un palu llargu y afitáu en suelu, p’almacenar lo que nun se mete na tenada]. || Ver la yerba enantes de nacer, fam. ser mui espabiláu y llistu. || Ver les yerbes crecer, fam. ser mui espabiláu y llistu. || Yerba abeyera, abeyera, planta de los xéneros Melissa o Mentha [mui arumosa, que s’emplega machacada p’atrayer a les abeyes]. || Yerba argaña, argaña. || Yerba carril, Plantago major, planta [a la que-y nacen les fueyes faciendo rosetón y agarren color morao]. || Yerba carriza, yerba [áspera y dura que medra en terrenos secos]. || Yerba (de) campu, Dactylis glomerata, planta gramínea [que tien les raíces mui grandes]. || Yerba (de) el bronquiu, Angelica sylvestris, cabruncu, planta [de fueya ancho y flores blanques o roses]. || Yerba (de) el ciegu, Urtica dioica, ortiga, planta [de fueya grande]. || Yerba (de) el corazón, Hypericum perforatum, planta melecinable [de fueyes compuestes con pintes negres pel borde]. || Yerba de gochu, Trifolium pratense, [tipu de] trébole. || Yerba (de) la cagalera, planta [que s’usa pa cortar la cagalera]. 2 Planta [que da cagalera]. || Yerba (de) la cortadura, Chelidonium majus, cirigüeña, planta melecinable [de flores pequeñes y marielles]. || Yerba (de) la culiebra, planta de la familia Araceae [col tueru asemeyáu a una culiebra]. || Yerba (de) la madre, planta [que s’usa pa curar les enfermedaes de la madre o úteru]. || Yerba de l’arada, [tipu de] planta gramínea [que tien les raíces mui grandes]. || Yerba de payar, planta [que medra pente’l trigu, pente’l centén y que s’aparta al espayar]. || Yerba de vega, planta [con unes raíces gordes qu’ataca a les pataques debaxo de tierra]. || Yerba del corte, planta [de fueyes pequeñes y gordes que s’usa pa curar mancadures]. || Yerba la desfecha, Oxalis acetosella, planta [de flores blanques con rayes arrosaes]. || Yerba la gota, Knautia silvatica, planta [de fueya allargao y dentao que da flores violes]. || Yerba la grama, Ranunculus repens, cotel, planta [con llanuxu que tien les flores pequeñes de color mariello brillante]. || Yerba la nube, planta [asemeyada al trébole que tien una mancha ablancazada en cada fueya]. || Yerba la sacavera, [tipu de] yerba melecinable. || Yerba la sapaguera, [tipu de] yerba melecinable. || Yerba pegona, Picris hieracioides, planta [de flores marielles]. || Yerba salada, [tipu de] yerba. || Yerba serrana, Brachypodium rupestre, segón, [tipu de] yerba [perduro que naz ente’l rozu]. || Yerba’l bregón, Iris foetidissima, planta [con flores grandes de color morao]. || Yerba’l costáu, [tipu de] yerba. || Yerba’l muertu, Calendula arvensis, planta compuesta [que tien les fueyes marielles]. || Yerba’l toru, planta [de tallu azuláu que se da a les vaques pa que se pongan tueres].