xuntu, -a, -o: ax. Que nun tien separación o tien mui pocu espaciu [ente dos o más coses, ente dos o más persones]. 2 Al mesmu tiempu que [otra cosa], que [otra persona]. Paez que tolos problemes vienen xuntos. 3 Nun mesmu sitiu, nun mesmu espaciu. Tamos xuntos nel bancu la escuela. || Acomuñar xuntos, poner cada persona una vaca pa llabrar. || En xunto, xuntamente, sumando tolos elementos d’un conxuntu. || Xunto a, nun sitiu que ta a poca distancia de [otru]. Vive xunto al parque. 2 A un sitiu que ta a poca distancia de [otru]. Foi a compralos xunto al quioscu. 3 Un sitiu que ta a poca distancia de [otru]. Esi ruíu vien de xunto casa. || Xunto con, en compañía de. Vieno xunto colos neños. 2 Al mesmu tiempu que [daqué]. Xunto col agua cayía nieve. || Xunto de, nun sitiu que ta a poca distancia [d’otru]. 2 A un sitiu que ta a poca distancia [d’otru]. 3 Un sitiu que ta a poca distancia [d’otru].