xugu, el: sust. Preséu [de madera que se pon a les vaques, a los gües en pescuezu pa ponelos xuntos a tirar del carru]. 2 Correa [qu’axunta les capielles del manal]. 3 Correa [qu’aúne los dos palos del manal]. 4 Pieza [de madera qu’aúne les dos puerques de caún de los pares del teitu]. 5 Pieza [onde se coloca la cadena del batán]. 6 Viga [del banzáu afuracada nos cabos pa qu’encaxen otres vigues que faen de columnes]. 7 Situación [de sometimientu, de represión].