xiblar: v. Sonar o facer sonar un ruíu agudu. L’aire xibla peles ventanes. 2 Emitir un ruíu agudu [soplando y axuntando los llabios]. La xente entamó a xiblar. 3 Interpretar [una melodía emitiendo un ruíu agudu y musical soplando pelos dientes o axuntando los llabios]. Xibló un cantarín mui guapu. 4 Tocar [un instrumentu musical d’aire emitiendo un ruíu agudu]. Tán xiblando con un pitu. 5 Refugar [a daquién emitiendo un ruíu agudu y molestu soplando pelos dientes o axuntando los llabios]. || Agora xíbla-y al tueru, *espresión que se diz pa espresar que daqué yá nun tien remediu, solución. || Nun xiblar [a daquién], nun dicir nada escontra de [daquién], que moleste [a daquién]. A min nun me xibla naide, rapaz. || Xiblando, percerca, raspiando. Pasaben les bales xiblando. || Xiblar a la curuxa, perder la ocasión, perder la oportunidá. || Xiblar a les barbaes, fam. folgar, nun facer nada [por falta de gana, porque nun apetez]. || Xiblar los dientes, doler los dientes [al tomar daqué frío o percaliente].