ventana, la: sust. Güecu [na parede d’una casa, d’un edificiu pa dexar entrar la lluz, l’aire]. 2 Conxuntu [de cristales y marcación que zarra’l güecu que se dexa na parede d’una casa, d’un edificiu pa qu’entre la lluz, l’aire]. 3 Abertura [llateral d’un coche, d’un tren que se zarra con cristales]. 4 Cristal [que zarra l’abertura llateral d’un coche, d’un tren]. 5 Furacu [de la pegolla per onde entra la reya d’una portiella]. || Echar la casa pela ventana, marafundiar, gastar munchu dineru, munches riqueces [de mala manera]. || Ser un cagar de ventana, fam. ser mui fastidiosu, mui complicáu [un asuntu, una persona]. || Tirar la casa pela ventana, marafundiar, gastar munchu dineru, munches riqueces [de mala manera]. || Tirar pela ventana, desfacese de [daqué].