venir: v. Pasar a tar en [un sitiu onde ta’l que fala]. t. prnl. Vinieron ayeri. Viénose a vivir pa equí hai dos años. Los tos amigos vienen a les siete. 2 Estendese [daqué hasta onde’l sitiu del que fala]. El camín vien hasta cerca de mio casa. 3 Ocurrir, asoceder [un dañu, una pena]. A Lluis nun-y vienen namás que desgracies. 4 Tener l’orixe, l’entamu en [un sitiu], en [un fechu]. L’aguacate vien too del trópicu y de per ehí alantre. Tantu espolín vien porque-y quitaron la moñeca. 5 Tar o apaecer [nun sitiu determináu]. El cantar que te gusta vien a lo último del discu. La noticia venía nel periódicu del xueves. 6 Dir [dempués d’un tiempu, d’un fechu]. El mes que vien marcho de vacaciones. Y dempués de too aquello vieno la guerra del catorce. 7 Haber [sol, agua, un tiempu bono o malo pa daqué]. Vieno bon añu pa les fabes. Vieno mal añu d’ablanes. Vien un airón que nun se para. 8 Tar cerca de [daqué]. Vendrá a tener el mesmu tiempu que yo. Eso vien a ser paecío a lo que yo te dicía. 9 Valir, sirvir pa [daqué]. Esti paisanu vieno a fastidiamos el día. 10 Tener [la regla, la menstruación una fema]. 11 Llegar [a realizar l’aición de daqué]. Vini a dame cuenta dempués d’un bon pedazu. Al final vieno a dar a Riosa. 12 Realizar l’aición [de daqué va un momentu]. 13 Cuadrar, quedar [d’una manera determinada]. 14 prnl. Argayar [el carbón, la tierra]. 15 prnl. Lleldar [la masa]. || A veles venir, viendo cómo pasen les coses, ensin ser quien a intervenir. || Venir a cuentu, ser oportunu [un comentariu, un dichu]. Toes eses quexes nun vienen a cuentu agora. || Venir a la cabeza, tar na memoria de [daquién una idea, un avisu]. || Venir a la memoria, tar na memoria de [daquién una idea, un avisu]. 2 Ocurríse-y [daqué a daquién]. || Venir a la mente, ocurríse-y [daqué a daquién]. || Venir abaxo, perder l’ánimu. 2 Fracasar [un negociu]. 3 Esbarrumbase, cayer en suelu. || Venir el diezmu, menguar. || Venir la breda en [daquién], ser la vez de [daquién]. Vien la breda na casa del cabu. || Venir la fueya al muriáu, fam. cumplise [a daquién] daqué que nagua. || Venir p’abaxo, empeorar. || Venise abaxo, perder l’ánimu. 2 Fracasar [un negociu]. 3 Esbarrumbase, cayer en suelu. || Ver venir, aldovinar les intenciones de [daquién], que va pasar [daqué]. Eso yá lo vía venir yo.