tratar: v. Comerciar, facer compres y ventes [con una mercancía]. 2 Falar o escribir [d’un tema o d’una materia determinada]. 3 Facer usu de [daqué d’una manera determinada]. Trata la ropa de cualquier manera. 4 Portase [d’una manera determinada] con [una persona]. Trátalu mal. 5 Atender [un médicu a un enfermu, una persona a otra]. Al neñu trátenlu agora nel mesmu hospital. Nótase que lu traten bien. María tien al güelu bien tratáu. 6 Curar, quitar [un mal con una sustancia]. Tratar con penicilina. 7 Rellacionase [con daquién]. t. prnl. Nun se trata cola familia. 8 Tener rellación con [daquién calificándolu o refiriéndose a él d’una manera determinada]. Tratóme de bobu. Hai que tratalu d’escelencia. 9 Tener les condiciones amañoses pa [facer daqué]. Paez que trata de nevar. 10 Poner esfuerciu, interés pa [facer daqué], pa [consiguir daqué]. Trata de facelo meyor pa otra vez. 11 Entamar a [facer una aición que nun s’acaba]. Trató de sentase pero nun pudo.