tomar: v. Tragar [un líquidu pela boca]. Tomó tola lleche. Ye un borrachu, pasa tol día tomando. 2 Agarrar [daqué que-y apurre nes manes otra persona]. Toma esti llibru, que ye de to. 3 Cubrir [una superficie con daqué]. La humedá tomó la parede. Al cocer tomáronse los cristales. 4 Escoyer [una solución, una salida d’ente delles posibilidaes diferentes]. Tomó un determín. 5 Tener [precauciones]. Tomó precauciones. 6 Facese con [el control de daqué]. L’exércitu tomó’l gobiernu. 7 Dir [per un sitiu]. La vaca tomó pel camín de Casares. 8 Ponese [nun sitiu onde da l’aire, el sol]. Voi tomar un poco l’aire. 9 Reaicionar con [un estáu d’ánimu determináu a daqué que se diz, que se fai]. Tomó a mal lo que-y dixo. 10 Midir [una magnitú de daqué]. Pa facer el mantel tienes que tomar l’anchor y el llargor de la mesa. 11 Ocupar [un espaciu determináu]. Si tomes tu tol asientu ¿ónde me siento yo? 12 Facer el xiru de [una curva al dir per una carretera, per un ríu]. Hai que tomar les curves más suave pa nun estrellase. 13 Preguntar [una lleición]. 14 Cubrir [el machu a la fema]. 15 Dexase cubrir [una fema]. 16 Apurrir [una carga d’unes persones a otres que tán en filera]. 17 Esplotar [un esplosivu por efeutu d’otra esplosión]. 18 Atascar [una carretera, un conductu]. 19 Ferruñar, enllenase de ferruñu. 20 Agarrar, quedar con [un tastu, una sustancia]. Déxalo reposar una hora pa que tome’l sabor a ayu. 21 prnl. Engarriase [dos animales]. 22 prnl. Enllenase [d’un determináu tipu de plantes un sitiu]. La güerta tomóse de meruxa. Si nun s’arrinquen ensiguida tómase too de castañaluques. 23 prnl. Tar atascada [la nariz], tar ronco [la voz al tener catarru]. || D’armes tomar, decidíu y despacháu [pa facer les coses]. 2 De caráuter bravu, fuerte. || Dir (a) tomar pel culu, fam. fracasar [un negociu, un asuntu]. 2 *Espresión que se diz cuando una persona o cosa cafia o repuna muncho, pa que dexe tar tranquilu a ún. || Dir (a) tomar pel sacu, fam. fracasar [un negociu, un asuntu]. 2 *Espresión que se diz cuando una persona o cosa cafia o repuna muncho, pa que dexe tar tranquilu a ún. || Dir (a) tomar suela, fam. *espresión que se diz cuando una persona cafia o repuna muncho, pa que dexe tar tranquilu a ún. || Dir tomando’l file, deprender daqué [al ver facelo]. || Mandar a tomar pel culu, fam. acabar con [un trabayu], con [un negociu que diba bien]. 2 *Espresión que se diz cuando una persona o cosa cafia o repuna muncho, pa que dexe tar tranquilu a ún. || Mandar a tomar pel sacu, fam. acabar con [un trabayu], con [un negociu que diba bien]. 2 *Espresión que se diz cuando una persona o cosa cafia o repuna muncho, pa que dexe tar tranquilu a ún. || Mandar a tomar suela, fam. *espresión que se diz cuando una persona cafia o repuna muncho, pa que dexe tar tranquilu a ún. || Nun tomar arte nin parte, nun intervenir [nun asuntu, nun discutiniu]. || Tomala con [daquién o daqué], tener tirria, manía a [daquién o daqué]. 2 Burllase de [daquién]. || Tomar a broma, nun dar importancia o apreciu a [daqué o a daquién]. || Tomar a cuentu risa, nun facer casu, nun dar importancia a [daqué o a daquién]. || Tomar a chunga, nun dar importancia o apreciu a [daqué o a daquién]. || Tomar a mal, entender como una ofiensa. || Tomar a morondanga, nun dar importancia o apreciu a [daqué o a daquién]. || Tomar a pitu (el) serenu [daqué o a daquién], fam. nun facer casu de [daqué o daquién]. 2 Burllase de [daqué o daquién]. || Tomar a xirigonza, nun dar importancia o apreciu a [daqué o a daquién]. || Tomar a xirigota, nun dar importancia o apreciu a [daqué o a daquién]. || Tomar cartes [nun asuntu], intervenir [nun asuntu]. || Tomar corrida, correr con fuercia pa dase puxu [al blincar]. || Tomar el barloventu, facer lo que se quier ensin facer casu a un superior. || Tomar el demandón, defendese d’una acusación. || Tomar el dos, marchar apriesa ensin avisar. || Tomar el pelo [a daquién], engañar [a daquién]. 2 Facer burlla de [daquién]. || Tomar el pendín, fam. marchar, colar [d’un sitiu]. || Tomar el pibardu, fam. marchar, colar [d’un sitiu]. || Tomar el tole, fam. marchar, colar [d’un sitiu]. || Tomar la calima, beber [nun chigre] lo que s’aveza. || Tomar la tarantela, ponese neciu, testón. || Tomar les agües, dir a baños [a un balneariu]. || Tomar les diez, comer daqué a les diez de la mañana. || Tomar pel culu, fam. *espresión que se diz cuando una persona o cosa cafia o repuna muncho, pa que dexe tar tranquilu a ún. || Tomar pel sacu, fam. *espresión que se diz cuando una persona o cosa cafia o repuna muncho, pa que dexe tar tranquilu a ún. || Tomar pol pitu’l serenu [daqué o a daquién], fam. nun facer casu de [daqué o daquién]. 2 Burllase de [daqué o daquién]. || Tomar recuentu con [daqué o daquién], buscar y poner nun sitiu seguru a [una persona], a [un animal]. || Tomar recuentu de [daqué o daquién], buscar y poner nun sitiu seguru a [una persona], a [un animal]. || Tomar suela, fam. *espresión que se diz cuando una persona cafia o repuna muncho, pa que dexe tar tranquilu a ún. || Tomar un clin, beber daqué [d’una bebida alcohólico]. || Tomar un vasu, beber daqué [d’una bebida alcohólico, xeneralmente vinu]. || Tomase la fuga [a daquién], entrar dificultá pa respirar [a daquién]. || Tomase la mano, tener la preocupación, la molestia [de facer daqué]. Entá nun se tomó la mano dir. || Unviar a tomar pel culu, fam. acabar con [un trabayu], con [un negociu que diba bien]. 2 *Espresión que se diz cuando una persona o cosa cafia o repuna muncho, pa que dexe tar tranquilu a ún. || Unviar a tomar pel sacu, fam. acabar con [un trabayu], con [un negociu que diba bien]. 2 *Espresión que se diz cuando una persona o cosa cafia o repuna muncho, pa que dexe tar tranquilu a ún. || Unviar a tomar suela, fam. acabar con [un trabayu], con [un negociu que diba bien]. 2 *Espresión que se diz cuando una persona cafia o repuna muncho, pa que dexe tar tranquilu a ún.