tocar: v. Llegar [con una mano, con un oxetu] a [daqué o a daquién pa percibir la so esistencia, pa percibir cómo ye]. Tocó de la parede. 2 Tar arimada [una cosa a otra, una persona a otra de manera que nun heba nada ente elles]. L’armariu toca na parede. 3 Cambiar la forma, la posición, l’aspeutu [de daqué]. Nun toques d’ello más, que ta bien asina. 4 Tratar, falar de [un tema], de [un asuntu]. Tocaron l’asuntu de la herencia. 5 Ser el turnu, el momentu de [daquién pa facer daqué]. Tóca-y a él falar. 6 Ser llabor, función de [una persona], de [una organización]. Eso tóca-y facelo al sindicatu. 7 Ser pa [daquién una cantidá, un oxetu nun repartu, nuna herencia]. Tocáron-y dos millones na llotería. 8 Ser [una cosa, una persona d’ente delles la que tien qu’atender, la que fai serviciu o afeuta a daquién]. Tócame’l médicu nuevu. Tocó-y agora bona desgracia. 9 Facer sonar [un instrumentu musical, una campana, un cantar]. 10 Sonar, producir un soníu o soníos. Les campanes toquen. 11 Facer sonar [el reló les campanaes que son seña d’una hora]. El reló tocó les dos. 12 Facer sonar [les campanes] pa [anunciar fueu, qu’hai una muerte]. Toquen a fueu. Toquen a xunta. || Baillar al son que toquen, adautase a unes circunstancies determinaes, ser mui dependiente de lo que dicen o faen. || De (el) tócame Roque, ensin orde, ensin control [una casa]. || De mírame y nun me toques, fam. débil, delicáu. || Dir (a) tocar les choles, fam. *espresión que se diz cuando una persona cafia o repuna muncho, pa que dexe tar tranquilu a ún. || Mandar a tocar les choles, fam. *espresión que se diz cuando una persona cafia o repuna muncho, pa que dexe tar tranquilu a ún. || Nun saber nin tocar el caniellu, fam. nun saber facer nada de provechu. || Tocar a bébora, tocar a xunta pa beber con fondos públicos. || Tocar a ferruyos, andar d’un llau pa otru. || Tocar a nieru, fam. tar pa casase [una pareya]. || Tocar aberruyos, achisbar, gusmiar. || Tocar Dios nel corazón [a daquién], facer bonu [a daquién]. || Tocar el pínfanu, fam. facer o dicir bobaes, fataes. 2 Folganzaniar, nun trabayar [por falta de gana, porque nun apetez]. || Tocar el tambor, fam. folganzaniar, nun trabayar [por falta de gana, porque nun apetez]. || Tocar el violín, fam. folganzaniar, nun trabayar [por falta de gana, porque nun apetez]. 2 Molestar, cafiar [a daquién]. || Tocar el violón, fam. folganzaniar, nun trabayar [por falta de gana, porque nun apetez]. 2 Molestar, cafiar [a daquién]. || Tocar fondu, llegar a lo fondero [un ancla d’un barcu, los pies d’un nadador]. || Tocar la cazolada, fam. metese n’asuntos ayenos. || Tocar la diana, fam. molestar, cafiar [a daquién]. || Tocar la gaita, fam. folganzaniar, nun trabayar [por falta de gana, porque nun apetez]. 2 Molestar, cafiar [a daquién]. || Tocar l’alma, conmover, alterar positivamente l’ánimu. 2 fam. Molestar, cafiar [a daquién]. || Tocar la llueca, fam. folganzaniar, nun trabayar [por falta de gana, porque nun apetez]. || Tocar la moclana, fam. folganzaniar, nun trabayar [por falta de gana, porque nun apetez]. || Tocar la pandereta, fam. pegar, dar golpes [a daquién]. || Tocar la pandorga, facer una cencerrada. || Tocar la saya, fam. metese n’asuntos ayenos. 2 Tar ensin facer nada. || Tocar la taragüela, falar [muncho]. || Tocar la trécula, mover muncho una prenda de vistir al andar. || Tocar la trompeta, fam. folganzaniar, nun trabayar [por falta de gana, porque nun apetez]. || Tocar les narices, fam. molestar, cafiar [a daquién]. || Tocar los coyones, fam. molestar, cafiar [a daquién]. || Tocar los güevos, fam. molestar, cafiar [a daquién]. || Tocar los pies, fam. molestar, cafiar [a daquién]. || Tocar un zurrón, fam. heredar. || Tocar uñes d’escarabayu, salir mal un plan. || Tocase la diana, fam. *espresión que s’usa pa dicir a daquién que se fastidie, que s’aguante. || Tocase l’alma, fam. *espresión que s’usa pa dicir a daquién que se fastidie, que s’aguante. || Tocase les narices, fam. folgar, tar ensin facer nada. Primero tocástite les narices y agora llores. 2 *Espresión que s’usa pa dicir a daquién que se fastidie, que s’aguante. || Tocase los coyones, fam. folgar, tar ensin facer nada. 2 *Espresión que s’usa pa dicir a daquién que se fastidie, que s’aguante. || Tocase los güevos, fam. folgar, tar ensin facer nada. 2 *Espresión que s’usa pa dicir a daquién que se fastidie, que s’aguante. || Tocase los pies, fam. *espresión que s’usa pa dicir a daquién que se fastidie, que s’aguante. || Unviar a tocar les choles, fam. *espresión que se diz cuando una persona cafia o repuna muncho, pa que dexe tar tranquilu a ún.