tar: v. *Verbu copulativu qu’indica que se tien una cualidá, un estáu, una posición espacial determinada. Esti neñu ta bien altu. El café yá ta frío. Esi pueblu ta pa Casomera. || Llámbite que tas de güevu, *espresión que se diz cuando se xulguen los deseos de daquién poco reales, cuando presume muncho. || Llímpiate que tas de güevu, *espresión que se diz cuando se xulguen los deseos de daquién poco reales, cuando presume muncho. || Nun saber si ta crudu o cocíu, nun conocer l’estáu d’ánimu d’una persona, la opinión que tien una persona de daqué. || Ta bien, sí, d’alcuerdu. Ta bien, mañana nun vengo. || Tar afuera [un mes, un añu], pasar yá [un mes, un añu]. Yá ta xineru afuera. || Tar al cayer, tar p’asoceder [daqué]. 2 Tar al llegar [daquién]. || Tar allegáu a [daquién], ser pariente de [daquién]. || Tar ardíu por [daqué], tener muncha gana de [daqué]. || Tar arimáu a [daquién], ser pariente de [daquién]. || Tar averáu a [daquién], ser pariente de [daquién]. || Tar bien sorrayáu, fam. tener capacidá [pa pensar con xacíu]. || Tar cayíu en too, preocupase de too. || Tar como nun zaque, ser una persona folganzana. || Tar de vuelta, tar volviendo, tener vuelto. Yá ta de vuelta en casa. || Tar de vuelta (de too), ser indiferente o insensible a fechos escandalosos, indignantes, estraordinarios por tenelos pasao yá. || Tar el capador enriba la gocha, fam. tar daquién trabayando tovía nun asuntu. || Tar el prau pacíu, fam. haber pocu dineru. || Tar en cielu, tar mui a gustu, tar feliz. || Tar en (los) sos cabales, tener capacidá [pa pensar con xacíu]. || Tar enriba [de daquién], vixilar, tar mui pendiente. 2 Agobiar a [daquién] con munchos cuidaos, con muncha vixilancia. || Tar filando, tar distrayíu. || Tar fuera [un mes, un añu], pasar yá [un mes, un añu]. || Tar guiñao, tar enllenu de nubes pequeñes y arredondiaes [el cielu]. || Tar llegáu a la razón, tener pocos medios. || Tar mosca, fam. desconfiar. || Tar na cuenta, tener la intención [de facer daqué]. Toi na cuenta de dir a Galicia esti fin de selmana. 2 Creyer, dar por ciertu [un fechu ensin comprobalu]. Taba na cuenta de que yereis hermanes. Taba na cuenta de que marchabeis güei. 3 Ser consciente [de daqué]. || Tar na lluna, fam. tar ensin enterase de lo que pasa alredor. || Tar nes (sos) cábales, tener la capacidá [pa pensar con xacíu]. || Tar no que se celebra, tar atentu, enterase. || Tar por demás, tar ensin nada que facer. 2 Sobrar, nun cuadrar [nun sitiu]. || Tar por ver, tar por confirmase. Ta por ver si vamos o non.