sustancia, la: sust. Materia, amestanza [d’elementos químicos que formen lo que se percibe]. 2 Parte central o aspeutu [más importante de daqué]. 3 Parte [d’un alimentu que tien el mayor tastu]. 4 Tastu [que tien una comida, una bebida]. 5 Capacidá [p’alimentar que tien una comida, una bebida]. 6 Capacidá [pa frutiar que tien una tierra]. 7 Capacidá [pa razonar, p’actuar con aciertu]. || En sustancia, no fundamental, resumiendo. || Sustancia blanco, parte interna del cerebru y superficial de la médula, de color blanco, formao por fibres nervioses. || Sustancia gris, parte interna [de la médula y superficial del cerebru], formao por célules nervioses. 2 Intelixencia.