sueltu, -a, -o: ax. Que nun ta suxetu. 2 Que ta ensin torgues [una persona, un animal]. 3 Que tien habilidá, maña [pa facer daqué]. Ye mui sueltu pa segar. 4 Que trabaya bien, con arremangu. Píntatelo llueu porque ye un rapaz mui sueltu. 5 De pocu xacíu [una persona]. 6 Que nun forma una masa compauto, que tien los elementos que lu formen poco xuntos ente ellos. Esta tierra trabáyase bien porque ye de tierra suelto. La fariña nun ye vieyo porque ta bien suelto tovía. 7 Que ta bien trabayao [la pastia pal pan]. 8 Qu’engorda fácil [un animal]. 9 Separáu [del conxuntu del que formaba parte]. Una talla suelta. Un párrafu sueltu. 10 Que nun se ciñe al cuerpu [una prenda de vistir]. 11 En moneda [el dineru]. Dame cien pesetes sueltes pa pagar el tren. || A pierna suelta, fam. ensin esmolición, con toa tranquilidá. || Cabu sueltu, asuntu ensin aclarar, ensin resolver. || Llingua suelta, vezu de falar de lo que se tenía que callar. || Mano suelta, fam. enclín a dar moquetones. || Pesca suelta, actividá o profesión [del que pesca na mar, en ríu cola obligación de dar daqué al patrón, al amu del barcu]. || Renta suelta, impuestu [que se paga a la Ilesia o a un particular por una finca]. || Sangría suelta, aición y efeutu de sangrar [a una persona, a un animal ensin atapar el corte hasta que pare solo].