sudar: v. Producir sudu [al facer un esfuerciu, al tener calor]. 2 Ponese con gotes pequeñes d’agua [la superficie de daqué cuando hai vapor, cuando hai muncha humedá]. Suden los cristales. Suda la parede. 3 Moyar, manchar con sudu. Sudé tola camisa. 4 fam. Facer munchu esfuerciu [pa llograr daqué]. Sudó p’aprobar esa asignatura. || Facer sudar, ser difícil, costar trabayu. Estudiar esto fai sudar. || Sudar la gota gorda, facer munchu esfuerciu [pa llograr daqué]. || Sudar saín, fam. facer munchu esfuerciu [pa llograr daqué]. || Sudar sangre, fam. facer munchu esfuerciu [pa llograr daqué]. || Sudar tinta, fam. facer munchu esfuerciu [pa llograr daqué].