siguir: v. Caltenese [nuna actividá qu’entamó va un tiempu]. Sigue l’aire. Sigue trabayando naquello. 2 Caltenese [nun estáu determináu, nunes circunstancies concretes qu’entamaron va un tiempu]. La puerta sigue trancada. 3 Volver a facer, a pasar [daqué que s’interrumpiera]. Los obreros siguen mañana la obra. El camín acaba equí, pero síguenlu más allá. 4 Volver a ponese, a facese [daqué onde s’interrumpiera]. La película sigue mañana. 5 Allargase en [el tiempu], en [l’espaciu]. La carretera sigue pel monte. La sesión siguió más tiempu de lo previsto. 6 Tar o dir dempués de [daqué o daquién]. El pueblu que sigue yá nun lu conozo. 7 Vixilar o controlar [un procesu, a daquién de contino, de manera constante]. Síguilu a ver ónde lo escuende. 8 Facer [lo que manda una llei, una norma]. Ye obligatorio siguir unes regles. 9 Repetir o facer [daqué sofitándose no qu’otra persona fixo]. Vete siguiendo lo que yo fago. 10 Deducir, sacar como resultáu lóxicu. || Siguir la corriente a [daquién], facer o dicir lo que quier [daquién]. 2 Dexar que [daquién] diga o faiga lo que quiera ensin da-y importancia. || Siguir los pasos de [daquién], siguir el llabor entamáu por [daquién].