seriu, -a, -o: ax. Que nun-y gusten les bromes, dau a rir poco [una persona]. 2 Ensin amosar allegría, contentu. Venía cola cara seria. ¿Por qué ta tan seriu? 3 Que cumple colo que diz [una persona]. Fíate que ye una persona bien seria. 4 Que nun almite engaños, trampes [una persona, un negociu]. Ye un bancu seriu, seguro que nun tienes problemes. 5 Que pue tener males consecuencies [una falta, una enfermedá]. 6 Fechu a conciencia [un trabayu]. 7 Importante, que tien valor, interés. Lo que tengo que dicite ye serio. 8 Apropiáu [pa la condición d’una persona, pa una situación determinada]. Nun me paez serio que venga a les tantes de la nueche. 9 Poco llamativo, con colores discretos [la ropa]. Présta-y la ropa serio. 10 Ceremoniosu, con muncha ceremonia [un actu]. 11 Que tien un oxetivu educativu, informativu [un llibru, un programa de televisión]. || Cuartu al seriu, xuegu onde dos persones se miren a los güeyos pa ver quién aguanta más tiempu ensin rir. || En serio, de verdá, ensin bromes, ensin engaños. 2 Con intención de vivir xuntes [tener rellaciones dos persones]. 3 Con procuru, poniendo atención [facer daqué].