respigar: v. Producir [el fríu, el mieu, l’ascu una sensación que fai enderechase los pelos en pelleyu, que fai tener sacudíes pequeñes y rápides]. 2 Producir una sensación de refugu, d’ascu, de mieu. 3 Sentir una sensación que fai enderechase los pelos en pelleyu, que fai tener sacudíes pequeñes y rápides [pola mor del fríu, del mieu, del ascu]. t. prnl. 4 Sentir una sensación de fríu, de mieu, d’ascu. t. prnl. 5 Echar respigu [el maíz, la berza]. 6 Cortar [el respigu al maíz]. 7 Atropar [el rozu en monte]. 8 Fritir [muncho]. 9 Arreglar, componer [muncho a una persona].