redondu, -a, -o: ax. Que tien forma circular o de figura curva zarrada. 2 Que tien forma esférica o asemeyada a la esfera. 3 Que tien forma cilíndrica, cónica o asemeyada. 4 Que nun tien en cuenta una parte pequeña y s’espresa con una cantidá entera más grande o más pequeña [una cantidá, una midida]. En númberos redondos val quinientes pesetes. 5 Gordo, en pedazos gordos [el granu molío]. 6 Perfeutu, que tien bon resultáu. Punxo un negociu redondu. Salió-y l’esame redondu. || Cama redonda, xuntanza [de persones echaes a dormir nun mesmu sitiu]. || Cayer redondu, dexar de tar en posición vertical [de sutrucu, una persona, un animal] 2 Perder el conocimientu [per un momentu]. 3 Dormise [ensiguida]. 4 Morrer [de secute]. || En redondo, formando un círculu, una figura circular. 2 Dafechu [negase]. Negóse en redondo. 3 De manera aproximada. En redondo, son trescientes pesetes. || Mesa redonda, mesa [onde comen munches persones al empar]. 2 Aconceyamientu [de persones pa falar y opinar d’un tema concretu]. || Vuelta redonda, nuedu [que se fai p’atar el cabu d’un barcu a l’amarra del cai].