rayu, el: sust. Descarga llétrica lluminosa [que producen les nubes cuando hai truena]. 2 Porción [de lluz, d’enerxía que surde d’un focu emisor]. 3 Raya [de les que nun dibuxu representen porciones de lluz que surden d’un focu emisor]. 4 Cantidá [pequeña de daqué]. 5 Persona [llista, viviega]. 6 Pieza [de les que nuna rueda aúnen el centru cola camba]. 7 Raxu [d’un moluscu]. || A rayos, permal [saber, goler]. || Carru de rayos, carru con ruedes de rayos. || Carru de rayu, carru con ruedes de rayos. || Como un rayu, mui [llistu, vivu, sabichegu]. 2 Mui [rápidu]. 3 Mui [feu]. || Como’l rayu, mui [llistu, vivu, sabichegu]. 2 Mui [rápidu]. 3 Mui [feu]. || Mal rayu, *espresión que s’emplega pa maldicir. || Piedra’l rayu, piedra [pulío que se creye que cai coles nubes y tien poderes máxicos]. || Rayos gama, ondes electromagnétiques de mayor frecuencia que la lluz visible y menor que los rayos X. || Rayos infrarroxos, ondes electromagnétiques de menor frecuencia que la lluz visible y mayor que les ondes de radio. || Rayos ultravioleta, ondes electromagnétiques de mayor frecuencia que la lluz visible y menor que los rayos X. || Rayos X, ondes electromagnétiques de menor frecuencia que los rayos gama, que trescalen los cuerpos. 2 Procedimientu de diagnósticu médicu [que dexa ver l’interior del cuerpu per aciu d’ondes electromagnétiques específiques]. || Rayos y centelles, truena [pergrande]. 2 Resma, reña [pergrande].