quesu, el: sust. Alimentu [que se saca de la lleche de la vaca y otros mamíferos dexándolo cuayar y recudiéndo-y la bira]. 2 Pieza [d’un alimentu que se saca de la lleche de la vaca y otros mamíferos dexándolo cuayar y recudiéndo-y la bira]. 3 Cume [d’un horru]. 4 fam. Muérganu sexual femenín. || Dala con quesu, fam. engañar [a daquién] faciendo burlla, faciendo creyer daqué que nun ye verdá. || Facer el quesu, fam. combayar. || Flor de pan y quesu, Primula vulgaris, planta [con flores marielles y cinco pintes anaranxaes na base]. || Guxán del quesu, fam. neñu [revolvín, que nun para]. || Quesu (de) afuega’l pitu, quesu fresco [que se fai con lleche de vaca nel centru y nel occidente d’Asturies]. || Quesu (de) bola, quesu [fechu con lleche de vaca que vien en forma de bola]. || Quesu de bota, [tipu de] quesu que se fai en Quirós y Proaza. || Quesu de la novia, convite y baille que paga a los mozos del pueblu de la novia’l noviu cuando ye d’otru pueblu. || Quesu mayao, quesu [duro que se cuez con pan, lleche y aguardiente]. || Quesu podre, quesu [de tastu picono, fecho de lleche de vaca, de cabra, d’oveya]. || Rosa de pan y quesu, planta [de flores marielles y cinco pintes anaranxaes na base]. || Viga del quesu, maderu [gordu y llargu que se pon per dientro y a media altura de la parede del horru y que s’emplega pa poner a curar los quesos nél].