primeru, -a, -o: ax. Que ta nel entamu o nel aniciu [d’una serie de coses, de persones que s’asoceden nel tiempu, nel espaciu]. 2 Que tien unes cualidaes penriba de los demás. Marirreguera ye’l poeta primeru de la lliteratura n’asturianu. 3 Que tien una importancia penriba los demás. Primeres necesidaes. || A primera vista, viendo daqué o daquién per primer vegada. || De primera, estraordinariu, fuera de lo común. || A primeros (de), al principiu de, al entamu de. || De primera mano, nuevu. 2 Acabante apaecer. || De primeres, nel primer momentu. || En primeres, nel primer momentu. || Primer menguante, cuartu menguante. || Primer ministru, xefe [del gobiernu d’un país]. || Primer mundu, conxuntu de los países muncho desarrollaos económicamente. || Primera comunión, actu o fiesta que se celebra pa festexar que [daquién] comulgó per primera vegada. || Primera llinia, conxuntu de tropes [d’un exércitu que combaten más averaes al enemigu]. || Primera nueche, hores coles qu’entama la nueche. || Primeres lletres, conxuntu de conocencies elementales [que se deprenden al neñu cuando entama a escuela]. || Xunu primeru, [sestu] mes [del añu].