pota, la: sust. Cacíu [con ases y tapadera que s’usa pa cocinar]. 2 Cacíu [con ases y tapadera enllenu de daqué]. 3 Cantidá [de daqué que lleva un cacíu con ases y tapadera]. 4 Ommatostrephes sagittatus, moluscu cefalópodu [asemeyáu al calamar]. 5 fam. Cosa [que nun val pa nada]. || Café de pota, café [que se fai nuna pota colándolo dempués con una manga]. || Cagar fuera la pota, fam. facer o dicir daqué [nun momentu que nun ye l’afayadizu, l’apropiáu]. || Echar la pota, fam. vomitar.