ponte, la: sust. Construcción [que se fai penriba d’un ríu, d’una carretera pa poder crucialos]. 2 Tenobia, tablón [pela parte fuera de la puerta l’horru, onde se pisa pa entrar nél]. 3 Tabla [de les que formen el pisu del horru]. 4 Viga [onde apoya’l rodédanu del molín]. 5 Maderu [que va d’un varal a otru]. 6 Chapla [que se pon nel megollu del carru pa que nun fienda]. 7 Pieza [de les que, xunto colos gatos, formen l’armazón que tien pelos mazos del batán]. 8 Pieza [que fai de xuntura d’otres]. 9 Parte [d’abaxo del pie que ta ente’l calcañu y los deos]. 10 Parte [de la madreña que queda ente’l tazu d’atrás y los d’alantre]. 11 Güecu [que forma’l codaste de la héliz]. 12 pl. Xuegu de neños [que consiste en saltar penriba d’otru que ta agacháu]. || Ponte colgante, construcción [que se pon enriba d’un ríu, d’una carretera que se suxeta per aciu de cables, de cadenes y non con pilares].