pieza, la: sust. Parte [de les que formen un tou y que se pue xebrar del restu]. 2 Parte [de les que formen un mecanismu y que tien nél una función concreta]. 3 Unidá [de les d’un mesmu xéneru, d’una mesma especie]. 4 Remiendu, pedazu [de tela que s’echa a una prenda de vistir, a una sábana]. 5 Tierra [d’una ería que se llabra]. 6 Composición [musical]. 7 Obra [teatral d’un actu]. 8 Cantidá [de tela que se fai d’una vez]. 9 Ficha [del axedrez, del parchís]. 10 fam. Persona [que nun ye de fiar]. || D’una pieza, fam. plasmáu, ensin saber qué facer, qué dicir. Cuando me lo dixo quedé d’una pieza. || Pieza y suela, fam. persona [egoísta, que sólo mira pa sí]. || Quedar d’una pieza, quedar ablucáu, plasmáu.