piedra, la: sust. Materia mineral non metálico [consistente y duro]. 2 Porción de materia mineral non metálico [consistente y duro]. 3 Agua xelao [que cai de les nubes en forma de boles pequeñes]. 4 Güesu, parte [dura del piescu, de la cereza, del prunu qu’envuelve la semiente]. 5 Partícules [dures que tien la carne de la pera]. 6 Pedazu o porción [d’un material duro]. Echame dos piedres d’azucre. 7 Acumulación [dura de sustancia mineral nel aparatu urinariu]. || A les piedres, fam. muncho [cansar, aburrir]. Esti neñu aburre a les piedres. || A piedra fresco, fam. ensin llograr lo que s’esperaba. || A tiru piedra, fam. a una distancia curtia. || Barbada de piedra, Raniceps raninus, pexe [allargáu, de cabeza grande y achaplada, de cuerpu perescuru y babosu]. || Cartón piedra, sustancia [fecho con pastia de papel y endurecío con otros materiales pa facer figures, xuguetes]. || Como una piedra, fam. mui duru. 2 Mui tapecío, zarrao [el dormir]. 3 Fría y entumida [una parte del cuerpu]. Tien les manes como una piedra. 4 Paráu, que nun se mueve un res. 5 Dafechu, del too [callar]. 6 Muncho sanu. || De piedra, fam. perduru. 2 Ablucáu [pola sorpresa]. 3 Insensible, ensin sentimientu. || Edá de piedra, periodu prehistóricu cuando se fabricaben ferramientes de piedra. || Llevantar les piedres del ríu, fam. ser mui meticón, mui dau a metese n’asuntos ayenos. || Nun dexar piedra sobre piedra [de daqué o de daquién], esbarrumbar [dafechu una muria, una casa]. 2 Vencer dafechu a [daquién]. || Pasar pela piedra, fam. obligar [a daquién] a facer daqué que nun quier. 2 Vencer dafechu [a daquién]. || Piedra anil, piedra [a la que se-y atribuyen poderes contra l’agüeyamientu de cabres y oveyes]. || Piedra d’afilar les pales, ferramienta imaxinaria [cola que se gasten bromes a los novatos na mina]. || Piedra de faba, regodón, piedra [arredondiada y nidia que s’atopa xeneralmente nos calces de los ríos]. || Piedra de fueu, pedernal, [tipu de] cuarzu [de color gris o mariello]. || Piedra de granu, granitu, peña [compauto y duro formao por feldespatu, cuarzu y mica]. || Piedra (de) la culiebra, piedra máxica [que lleva’l cuélebre na cabeza y que cura les picadures de los reptiles]. || Piedra de les aguyes, piedra [que se mete en bolsu d’un novatu pa burllase]. || Piedra de xil, síliz, mineral [compuesto de siliciu y oxíxenu]. || Piedra ferrial, piedra [perdura que saca chispes al cutir nella con un fierru]. || Piedra filosofal, sustancia [buscao polos magos medievales que camuda unos elementos n’otros]. 2 Remediu maraviyosu. || Piedra imán, mineral de fierro [que tien la propiedá d’atrayer l’aceru, el fierro]. || Piedra la sangre, piedra [con vetes coloraes que se pon en pescuezu d’una vaca cuando mexa sangre]. 2 Pieza de mineral de fierro [que tien la propiedá d’atrayer l’aceru, el fierro]. || Piedra mollar, piedra [que s’emplega pa facer fornos]. || Piedra pedernal, [tipu de] cuarzu [de color gris o mariello]. || Piedra preciosa, piedra [tresparente o de colores que s’emplega en xoyería]. || Piedra pudinga, piedra [pequeña, dura y arredondiada]. 2 Peña [d’arena y regodones]. || Piedra salitrada, piedra [na que se da sal al ganáu]. || Piedra toba, piedra caliar [que pesa poco y qu’aguanta muncho la calor]. || Piedra’l lleche, piedra [con vetes blanques cola que s’esfrega’l caldar d’una fema cuando escosa]. || Piedra’l rayu, piedra [pulío que se creye que cai coles nubes y tien poderes máxicos].