pidir: v. Dicir [una persona a otra lo que quier pa llogralo]. 2 Andar [peles cases, peles calles buscando llimosna pa poder vivir]. 3 Dicir [el vendedor al comprador el preciu que tien daqué]. 4 Necesitar [daqué]. Esta casa pide que la pinten. 5 Falar cola familia de [una novia pa que dea por bonu’l casamientu]. || A pan pidir, fam. ensin nenguna riqueza, ensin nengún dineru. || A pidir (de) boca, talamente como se quería. 2 Criticar muncho, falar con maldá de los defeutos o de les faltes de [daquién]. || Pidir a voces [daqué], necesitar [daqué]. Esti neñu pide a voces unes bones nalgaes. || Pidir el cielu, pidir daqué imposible. || Pidir el cuerpu [daqué a daquién], apetecer [daqué a daquién]. A Nel píde-y el cuerpu un caldu. || Pidir la cabeza [de daquién], pidir la muerte [de daquién]. 2 fam. Pidir la dimisión [de daquién]. 3 fam. Pidir responsabilidaes series [a daquién]. || Pidir la lluna, pidir daqué imposible. || Pidir la mano, falar cola familia de [una novia pa que dea por bonu’l casamientu]. || Pido, *espresión cola qu’un xugador para de xugar per un tiempu. || Poner a pan pidir, reñer muncho [a daquién].