picar: v. Golpiar, dar golpes [nuna puerta pa qu’abran]. 2 Facer sonar [el timbre d’una puerta]. 3 Agarrar [un ave pedazos de daqué col picu]. 4 Comer [poca cantidá de daqué]. 5 Desfacer [en cachos un oxetu, daqué con una ferramienta]. 6 Tocar, dar un golpe pequeñu. Pícalu pa que mire p’acá. 7 Travesar [daqué con un oxetu aguzáu]. Hai que picar el dibuxu col punzón. 8 Fincar los dientes, un aguiyón en [daqué o daquién]. Les abeyes piquen. 9 Morder [l’anzuelu un pexe]. 10 Trabayar [col picu, col picón]. 11 Golpiar [con un martiellu’l cabruñu de la gadaña pa que corte, la muela del molín pa que muela]. 12 Estrozar, poner en mal estáu, en males condiciones [un alimentu, un metal, la madera]. 13 Producir [una sensación de picor]. Pícame esti brazu. 14 Tener [daqué] una sustancia que produz na boca, na nariz, nos güeyos una sensación de picor. Los chorizos piquen. 15 Facer sentir [a una persona envidia, celos pa movela a facer daqué]. Picástila cola pegarata y agora quier una mayor. 16 Enfadar [a daquién]. 17 Dexase engañar [una persona]. Con-tó-ylo tan guapo que picó. 18 Calentar [muncho’l sol]. 19 Tener la cualidá [de daqué nun grau altu]. Elli pica d’altu. 20 Entamar a echar cartes de [un palu de la baraxa]. Nun picasti l’oru, ¡cómo nun diba cantar les venti! 21 Atacar la caries a [un diente, una muela]. t. prnl. L’azucre pica los dientes. 22 prnl. Sentir envidia, celos [que mueven a facer daqué]. || Picar a la meruca, pescar con un cebu de merucos, de guxanos. || Picar a toles puertes, pidir ayuda a toos. || Picar Dios nel corazón [a daquién], facer bonu [a daquién]. || Picar en gordo, ser más de lo que se pue aguantar [daqué]. || Picar escaso, soplar poco l’aire. || Picar la mosca, fam. enfadar daqué que se diz o que se fai. || Picar l’amarra, soplar l’aire de xemes en cuando. || Picar l’anzuelu, fam. cayer nuna trampa. || Picar n’anzuelu, fam. cayer nuna trampa.