otru, -a, -o: ax. Una [persona] o una [cosa más]. Dame otru carambelu. 2 Una [persona] o una [cosa diferente]. Esi non, dame otru. || A (el) otru andar, d’una manera diferente. || A (el) otru [día, añu], al [día, añu] siguiente del que se ta o se fala. || Del otru mundu, raru, estraordinariu. Un asuntu del otru mundu. || D’otra manera, *espresión que s’emplega pa introducir un enunciáu que s’opón al anterior o que lu completa camudando’l tema. || D’otru mou, *espresión que s’emplega pa introducir un enunciáu que s’opón al anterior o que lu completa camudando’l tema. || D’un momentu a otru, en cualquier momentu, inmediatamente. || Esi otru día, al día siguiente. || Fariña d’otru costal, persona o cosa [con unes carauterístiques propies que la estremen de les de la so clas, de les de la so especie]. || L’otru, persona de la que se sabe que se fala pero nun se quier dicir el nome. || L’otru [día, añu], un [día, añu] pasáu, ensin especificar cuálu. || Otra cosa, diferente dafechu. || Otru [añu, día], un [día, añu] pasáu, ensin especificar cuálu. || Otru cantar, otra cosa, non igual. || Otru mundu, vida dempués de la muerte. || Per boca d’otru, de mandáu [falar, dicir].