mundu, el: sust. Conxuntu de toles coses [qu’esisten]. 2 Planeta Tierra. Viaxó per tol mundu. 3 Planeta o satélite. Nel sistema solar hai munchos mundos, unos con atmósfera y otros non. 4 Humanidá, conxuntu [de los seres humanos]. Un científicu afalagáu por tol mundu. 5 Esfera [que representa’l planeta Tierra]. Nesti mundu que comprasti tán mui claros los mapes. 6 Vida, actividá humana. Nun sabe tovía lo que ye’l mundu. 7 Conxuntu de toles coses [que tán rellacionaes con daqué]. Mundu de la música. Mundu de la ciencia. 8 Conocimientu o esperiencia de la vida, de l’actividá humana. Esti yá tien munchu mundu. 9 Conxuntu de les coses de la vida terrena, non divines, non espirituales. Mundu, demoniu y carne. 10 Allium sp., ayu. 11 Apareyu [de pesca formáu por un tipu de tarrafa grande]. || Bola del mundu, esfera que representa la Tierra. || Cabu del mundu, parte más gorda del intestín [de los animales]. 2 Sitiu remotu, perlloñe. || Culu (de) el mundu, fam. sitiu remotu, perlloñe. || Del otru mundu, raru, estraordinariu. Un asuntu del otru mundu. || Desque’l mundu ye mundu, dende siempre. || Esti mundu, la vida, el conxuntu de les coses de la vida terrena. || Facer un mundu, desaxerar les consecuencies [d’un fechu, d’una situación mala]. || Fin del mundu, sitiu remotu, perlloñe. || Mediu mundu, fam. muncha xente. 2 Conxuntu grande de países. Viaxó per mediu mundu. || Nin por tol oru del mundu, de nenguna de les maneres. || Otru mundu, vida dempués de la muerte. || Pel mundu, fuera de casa. || Primer mundu, conxuntu de los países muncho desarrollaos económicamente. || Tercer mundu, conxuntu de los países poco desarrollaos económicamente. || Tol mundu, tola xente, muncha xente. 2 Conxuntu grande de persones.