mina, la: sust. Sitiu [d’onde se saca un mineral]. 2 Conxuntu d’instalaciones [que se construyen nun sitiu d’onde se saca un mineral]. 3 Rampla [d’onde se saca carbón]. 4 Oficiu de les persones que trabayen baxo tierra. La mina ye duro. 5 Túnel [que cava na tierra un animal, una persona]. 6 Esplosivu [que s’entierra pa qu’españe al pisalu]. 7 [Tipu de] unidá [de pesu usada na Antigüedá en Mesopotamia y nel Mediterraneu]. 8 Parte central [de grafitu d’un llápiz]. 9 fam. Trabayu, negociu [que dexa munchu beneficiu]. || Mina de monte, mina [que se mete en monte] per aciu d’una galería, non d’un pozu.