mesmu, -a, -o: ax. Que ye [la persona o la cosa de la que se fala y non otra]. 2 Con carauterístiques mui asemeyaes o asemeyaes dafechu. || Al mesmu tiempu, desendolcando una aición a la vez. || Andar al mesmu son, facer lo [qu’otra persona] quier. 2 Facer daqué acordies [dos persones]. || Baillar al mesmu son, facer lo [qu’otra persona] quier. 2 Facer daqué acordies [dos persones]. || Catar con ún mesmu, ser consciente de [daqué]. || Cola mesma, ensin más esplicaciones, ensin esperar más. || Coles mesmes, ensin más esplicaciones, ensin esperar más. || Dar lo mesmo ocho qu’ochenta, fam. nun importar nada la diferencia ente dos coses, qu’asoceda cualquier cosa. || Dicir [ún] contra sí mesmu, pensar daqué ensin espresalo nel momentu. || Dicir [ún] pa sí mesmu, pensar daqué ensin espresalo nel momentu. || Dir al mesmu son, facer lo [qu’otra persona] quier. 2 Facer daqué acordies [dos persones]. || Les mesmes, una cosa, un asuntu coles carauterístiques mui asemeyaes o asemeyaes dafechu. Dexó de fumar, pero volvió a les mesmes. || Mesmu cantar, cosa, asuntu coles carauterístiques mui asemeyaes o asemeyaes dafechu. || Midir col mesmu raseru, xulgar de la mesma manera [a delles coses, a delles persones que se comparen]. || Pagar cola mesma moneda [a daquién], dar [a daquién] un tratu igual al recibíu.