mesa, la: sust. Mueble [formáu por una tabla llana que s’enconta en delles pates y que val p’apoyase enriba al comer, al escribir]. 2 Xunta [direutiva d’un conceyu, d’un órganu coleutivu de gobiernu]. 3 Conxuntu de persones [que dirixen un aconceyamientu, un órganu direutivu]. 4 Pieza [del molín onde encaxa’l sapu y val pa graduar lo gordo que se quier moler el granu]. 5 Pieza [de madera qu’encaxa nel xugu y qu’asienta nel cabezón del carru]. 6 Sobrelliñu, pieza o viga [de madera de les que se ponen enriba los lliños del horru pa qu’apoyen los cabrios]. 7 Parte [llana de la xunca o del martiellu de cabruñar]. || Llevantase de la mesa, ponese de pie y marchar cuando se ta comiendo. || Mesa mantel, mantel. || Mesa redonda, mesa [onde comen munches persones al empar]. 2 Aconceyamientu [de persones pa falar y opinar d’un tema concretu]. || Platu de segunda mesa, fam. persona o cosa [que s’escueye en segundu llugar dempués de nun poder tener lo que s’escueye primero]. || Ponese a la mesa, ocupar l’asientu [pa comer]. || Sentase a la mesa, ocupar l’asientu [pa comer].