mayar: v. Dar golpes [al trigu pa esgranalo, a la mazana pa esfacelo en cachos, a los tarrones pa esfacelos, a los oricios p’abrilos]. 2 Pegar, dar golpes [a daquién]. 3 Dexar o quedar con poca o nenguna fuercia o enerxía. 4 Folganzaniar, nun trabayar [por falta de gana, porque nun apetez]. 5 Comer [un alimentu]. 6 Miagar [un gatu]. 7 Pescar [con maya]. 8 Quedar atrulláu [nuna maya un pexe]. || Mayala, folganzaniar, nun trabayar [por falta de gana, porque nun apetez]. || Mayala más qu’un gatu en payar, fam. folganzaniar, nun trabayar [por falta de gana, porque nun apetez]. || Nun mayar una, folganzaniar, nun trabayar [por falta de gana, porque nun apetez]. || Quesu mayao, quesu [duro que se cuez con pan, lleche y aguardiente].