marea, la: sust. Movimientu periódicu de xuba y baxa [que fai’l nivel del agua de la mar por efeutu de la gravedá de la Lluna y del Sol]. 2 Xuba [pergrande del agua de la mar nel movimientu periódicu de xubida y de baxada]. Había una marea qu’enllenaba’l puertu. Hai una marea pergrande. 3 Cantidá [de pexes que se pesquen]. 4 Xaréu, confusión. || Marea muerta, movimientu de xuba poco intensu [que fai la mar]. || Marea negra, masa de petroleu [que s’arrama pela mar]. || Marea viva, movimientu fuerte de xuba [que fai la mar]. || Punta de marea, entamu de la marea. 2 Borrín espeso.