llibre: ax. Qu’actúa ensin torgues, siendo responsable de la so conducta. 2 Sueltu, ensin torgues. Esta camisa déxame llibres los brazos pa trabayar. 3 Que nun ta sometíu a la voluntá, a l’autoridá d’otru [una persona, un país]. 4 Que protexe los derechos de los ciudadanos [un país, un gobiernu]. 5 Disponible [pa emplegase], con posibilidá [d’usase]. Queda esi sitiu llibre. El taxi ta llibre. Dexa esa botella llibre pa echar esto otro. 6 Que nun ta afeutáu por [daqué]. Él ta llibre de sospeches. 7 Que fai les coses ensin pensar nes consecuencies, nos peligros. Ten cuidáu col neñu que ye mui llibre y baxa cola bicicleta per onde seya. 8 Que nun s’axusta pallabra a pallabra al testu orixinal [una traducción]. || Llibre cambéu, llibrecambiu, sistema [económicu que defende’l comerciu internacional ensin torgues d’aduana, nel que les lleis del mercáu son mui abiertes y dexen fixar los precios llibremente]. || Tener les manes llibres, tener toles posibilidaes abiertes [pa entamar con daqué].