lleición, la: sust. Llectura, aición y efeutu de lleer. 2 Cosa [qu’enseña, que da conocencies]. Esi asuntu foi una bona lleición pa ella. 3 Esposición [téunica, científica que se fai d’una materia]. 4 Parte [de les d’un llibru escolar que trata d’un tema y que s’esplica o depriende d’una vegada]. 5 Testu [relixosu que se diz en misa]. || Dar una lleición, escarmar [a daquién]. || Saber la lleición, tar bien encamentáu [pa facer daqué].